אֶזְכְּרָה מָצוֹק אֲשֶׁר קְרָאַנִי.

בְּשָׁלֹשׁ מַכּוֹת בַּחֹדֶשׁ הַזֶּה הִכַּנִי.

גִּדְּעַנִי הֱנִיאַנִי הִכְאַנִי. אַךְ עַתָּה הֶלְאָנִי:

דִּעֲכַנִי בִּשְׁמוֹנָה בוֹ שְׂמָאלִית וִימָנִית.

הֲלֹא שְׁלָשְׁתָּן קָבַעְתִּי תַעֲנִית.

וּמֶלֶךְ יָוָן אִנְּסַנִי לִכְתּוֹב דַּת יְוָנִית.

עַל גַּבִּי חָרְשׁוּ חוֹרְשִׁים הֶאֱרִיכוּ מַעֲנִית:

זוֹעַמְתִּי בְּתִשְׁעָה בוֹ בִּכְלִמָה וָחֵפֶר.

חָשַׂךְ מֵעָלַי מְעִיל הוֹד וָצֶפֶר.

טָרוֹף טוֹרַף בּוֹ הַנּוֹתֵן אִמְרֵי שֶׁפֶר.

הוּא עֶזְרָא הַסּוֹפֵר:

יוֹם עֲשִׂירִי צֻוָּה בֶּן בּוּזִי הַחוֹזֶה.

כְּתָב לְךָ בְּסֵפֶר הַמַּחֲזֶה.

לְזִכָּרוֹן לְעַם נָמֵס וְנִבְזֶה.

אֶת עֶצֶם הַיּוֹם הַזֶּה:

מִנְיַן סֵדֶר חֳדָשִׁים בַּעֲשָׂרָה בּוֹ הֵעִיר.

נְהִי וִילֵל בְּמוֹ פִי אַפְעִיר.

סֵדֶר פֻּרְעָנִיּוֹת בְּתוֹךְ לְבָבִי יַבְעִיר.

בְּבֹא אֵלַי הַפָּלִיט לֵאמֹר הֻכְּתָה הָעִיר:

עַל אֵלֶּה עַל פָּנַי אָבָק זֵרִיתִי.

פַּצְתִּי עַל אַרְבַּעְתָּן לוּ חֵץ בְּלִבִּי יָרִיתִי.

צָרוֹת עַל אֵלֶּה קֶבֶר לִי כָּרִיתִי.

צַדִּיק הוּא יְהֹוָה כִּי פִיהוּ מָרִיתִי:

קָרָאתִי שִׁמְךָ מִתְנַחֵם עַל רָעָתִי.

רְאֵה עָנְיִי וּשְׁמַע קוֹל פְּגִיעָתִי.

שְׁמַע תְּחִנָּתִי חִישׁ נָא יְשׁוּעָתִי.

אַל תַּעְלֵם אָזְנְךָ לְרַוְחָתִי לְשַׁוְעָתִי:

יֶרַח טֵבֵת מְאֹד לָקִיתִי בוֹ.

וְנִשְׁתַּנּוּ עָלַי סִדְרֵי נְתִיבוֹ.

סָרַרְתִּי פָּשַׁעְתִּי יְגַלֶּה לִי טוּבוֹ.

הָאוֹמֵר לַיָּם עַד פֹּה תָבֹא: